पुणे : करोनाच्या साथीमुळे उद्धवलेल्या अभूतपूर्व परिस्थितीमुळे सर्वच क्षेत्रांवर परिणाम झाला आहे. पदवी घेऊन करिअर सुरू करण्याच्या टप्प्यावर असलेल्या विद्यार्थ्यांना त्यांच्या भविष्याची चिंता लागून राहिली आहे. आपल्या प्लेसमेंट व्यवस्थित होतील ना, नवी नोकरी कशी शोधायची, असे अनेक प्रश्न विद्यार्थ्यांना सतावत आहेत. विद्यार्थ्यांना याविषयी योग्य मार्गदर्शन मिळावे म्हणून सावित्रीबाई फुले पुणे विद्यापीठाच्या प्लेसमेंट अँड कॉर्पोरेट रिलेशन्स विभागा’तर्फे मोफत वेबिनार सीरिजचे आयोजन करण्यात आले आहे.
गुरुवारी, २१ मे २०२० रोजी सकाळी ११ वाजून ३० मिनिटांनी या वेबिनारमधील पहिले सत्र होणार आहे. त्यात पुण्यातील ‘मराठा चेंबर ऑफ कॉमर्स, इंडस्ट्रीज अँड अॅग्रीकल्चर’चे अध्यक्ष डॉ. प्रदीप भार्गव विद्यार्थ्यांना प्लेसमेंटसंदर्भात मार्गदर्शन करणार आहेत. या सत्राचे उद्घाटन विद्यापीठाचे कुलगुरू डॉ. नितीन करमळकर यांच्या हस्ते होणार आहे. ही वेबिनार सीरिज विद्यार्थ्यांना प्लेसमेंट अँड कॉर्पोरेट रिलेशन्स विभागाच्या फेसबुक पेजवर पाहता येईल.
(फेसबुक पेजची लिंक : https://www.facebook.com/SPPUPCRC/)
‘या वेबिनार सीरिजमध्ये विविध विषयातील तज्ज्ञ मंडळी विद्यार्थ्यांना प्लेसमेंटविषयी मार्गदर्शन करणार आहेत. याचा विद्यार्थ्यांना नक्कीच फायदा होईल आणि त्यांच्यामध्ये एक वास्तववादी दृष्टिकोन तयार होण्यास मदत होईल,’ अशी माहिती सावित्रीबाई फुले पुणे विद्यापीठाच्या प्लेसमेंट अँड कॉर्पोरेट रिलेशन्स विभागाचे संचालक आणि विद्यापीठाचे कुलसचिव डॉ. प्रफुल्ल पवार यांनी दिली आहे.
ही वेबिनार सीरिज विद्यार्थ्यांसाठी मोफत असून, विद्यार्थी पुढील लिंकवर त्यांची नोंदणी करू शकतात.